18.5 C
Tirana
HomeKISHNdërron jetë në Romë At Raffaele Lanzilli
HomeKISHNdërron jetë në Romë At Raffaele Lanzilli

Ndërron jetë në Romë At Raffaele Lanzilli

Hyji thirri p. Lello (Raffaele) Lanzilli pranë vetes këtë mëngjes, në zyrën e tij në Curia e Përgjithshme të Shoqërisë së Jezusit në Romë.

p. Lello e kreu misionin e tij në Shqipëri nga marsi i vitit 1993 deri në verën e vitit 2014, fillimisht në Baritore Rinore dhe Universitare në Tiranë dhe nga viti 1996 në Shkodër, me rolin e atit shpirtëror në Seminarin Ndërdioqezan Shqiptar “Nëna e Këshillit të Mirë” dhe si profesor i psikologjisë dhe moralit në Institutin Filozofiko-Teologjik të të njëjtit seminar.

Në shtator 2010 u emërua drejtor i Gjimnazit “Atë Pjetër Meshkalla” detyrë të cilën e mbajti deri në largimin e tij nga Shqipëria. Gjatë këtyre viteve ai ishte gjithashtu epror i komunitetit jezuit dhe kancelar i Arqipeshkvisë Shkodrës-Pult.

E kujtojmë edhe për kontributin e tij për Kishën dhe për shoqërinë shqiptare në fushën e formimit biblik, teologjik, moral, psikologjik e pedagogjik si dhe në shoqërimin shpirtëror të priftërinjve dhe laikëve.

Dëshirojmë ta kujtojmë kështu, të qeshur, mes nxënësve dhe mësuesve, në shkollën që aq shumë e kishte përzemër.

Për ditën dhe orarin e varrimit do ju njoftojmë përsëri.

Gjithë bashkësia edukuese e shkollës bashkohet në lutje me Shoqërinë e Jezusit!

Pushoftë në paqe!

Na ndiqni

1,210FansLike
414FollowersFollow
170FollowersFollow

Të tjera

Të ngjashme