Dikasteri për Zhvillimin Integral Njerëzor ishte ndalesa e dytë e vizitës Ad Limina Apostolorum për barinjtë e Kishës Katolike në Shqipëri.
Të pritur nga motër Alessandra Smerilli, prefekte e këtij dikasteri, ipeshkvijtë zhvilluan një takim me përgjegjësit e departamenteve të ndryshme të këtij institucioni të Selisë së Shenjtë.
Imzot Arjan Dodaj, Arqipeshkëv i Tiranë-Durrësit dhe President i Caritasit Shqiptar, prezantoi në vija të përgjithshme veprimtarinë e Kishës në fushën sociale. Gjatë takimit, ai paraqiti një pasqyrë të detajuar të situatës aktuale në disa prej sektorëve më të rëndësishëm të shoqërisë, duke u ndalur veçanërisht te gjendja në burgje, shërbimet shëndetësore, kushtet e punëtorëve dhe sfidat me të cilat përballen migrantët.
Dom Mark Pashkja
Zëdhënës i KISH
