23.5 C
Tirana
HomeArqidioqeza Tiranë-DurrësAsambleja Dioqezane - "Kisha është familja e Hyjit në botë"
HomeArqidioqeza Tiranë-DurrësAsambleja Dioqezane - "Kisha është familja e Hyjit në botë"

Asambleja Dioqezane – “Kisha është familja e Hyjit në botë”

Kisha është mision

Sot në ambientet e katedrales së Shën Palit, u zhvillua Asambleja Dioqezane me temën “Kisha është familja e Hyjit në botë“.

Gjatë takimit, u theksua rëndësia e kishës si një bashkësi e ngushtë dhe mbështetëse për të gjithë besimtarët, duke u fokusuar në rolin e saj si një familje shpirtërore që ndihmon në udhëheqjen dhe mbështetjen e anëtarëve të saj në jetën e përditshme.

Imzot Arjan Dodaj ndër të tjera theksoi se Kisha nuk është vetëm misionare, por ajo është vetë misioni. “Si operatorë baritorë, jemi thirrur të shoqërojmë këtë udhëtim të bashkësive tona përmes shërbimit, veçanërisht në këtë vit të shpallur nga Papa Françesku si vit lutjeje, në përgatitje të vitit Jubilar 2025. Jemi të angazhuar që me jetën tonë të bëjmë një lutje të vazhdueshme për Kishën dhe botën, një sfidë që përfshin të gjithë, nga ipeshkvijtë deri te të pagëzuarit.Në këtë perspektivë, është e nevojshme të lehtësojmë shërbimin tonë misionar duke e çliruar atë nga gjithçka që e bën më të rënduar, për të rizbuluar bërthamën e saj më autentike: shpalljen e fjalës së Zotit dhe mbledhjen si bashkësi që kremton Korpin dhe Gjakun e Krishtit.”

Në përfundim të asamblesë, u zhvillua edhe përurimi i sallës multifunksionale “Kardinal Ernest Simoni“. Për këtë rast të veçantë, kardinali vetë kishte ardhur posaçërisht nga Italia për të marrë pjesë.

Kardinal Ernest Troshani na kujtoi rëndësinë e lutjes së vazhdueshme ndaj Virgjërës Mari. Ai theksoi se lutja ndaj saj na ndihmon të afrohemi më shumë me Zotin dhe të gjejmë forcë në kohë të vështira. Duke u lutur Virgjërës, ne kërkojmë ndërmjetësinë e saj të fuqishme dhe mbrojtjen e saj amnore për ne dhe për kishën tonë. Kardinali na inkurajoi që të mbajmë një lidhje të fortë shpirtërore me të, duke e bërë lutjen ndaj saj pjesë të pandashme të jetës sonë të përditshme, për të pasur paqe dhe bekime të përhershme.

Ky përurim simbolizon një hap të rëndësishëm në përmirësimin e infrastrukturës së katedrales së Shën Palit, dhe krijimin e hapësirave të reja për aktivitete dhe shërbime të ndryshme komunitare.

Na ndiqni

1,210FansLike
513FollowersFollow
170FollowersFollow

Të tjera

Të ngjashme